“'ഒരുനേരമെങ്കിലും അന്നം'കോഴഞ്ചേരിയില്‍ പദ്ധതി ഉദ്ഘാടനം 20ന്
വിവിധ കാരണങ്ങള്‍ കൊണ്ട് ഒരു നേരം പോലും ആഹാരം കഴിക്കാന്‍ കഴിയാത്ത വൃദ്ധരും രോഗികളുമായിട്ടുള്ള 30 പേര്‍ക്കാണ് ആദ്യഘട്ടത്തില്‍ ഉച്ചഭക്ഷണം നല്‍കുന്നത്. കോഴഞ്ചേരി പഞ്ചായത്തിലെ 12-ാം വാര്‍ഡിലെ ബന്ധുമിത്രാദികള്‍ ഉണ്ടായിട്ടും ഭക്ഷണവും ശുശ്രൂഷയും ലഭിക്കാത്ത 30 പേരെയാണ് പൈലറ്റ് പ്രൊജക്ടിന്റെ അംഗങ്ങളായി തെരഞ്ഞെടുത്തിട്ടുള്ളത്. തുടര്‍ന്ന് കോഴഞ്ചേരി, തോട്ടപ്പുഴശ്ശേരി പഞ്ചായത്തുകളിലെ ഭക്ഷണം കഴിക്കാന്‍ മാര്‍ഗ്ഗമില്ലാത്തവര്‍ക്ക് ഭക്ഷണം എത്തിക്കുന്ന പദ്ധതിയ്ക്ക് ക്രിസോസ്റ്റം തിരുമേനിയും ജോളീസ് കിച്ചനും ചേര്‍ന്ന് എകെജി ചാരിറ്റബിള്‍ ഫൌണ്ടേഷന്റെ നേതൃത്വത്തില്‍ ഭക്ഷണവിതരണത്തിനുള്ള ആലോചനകള്‍ ആരംഭിച്ചിട്ടുള്ളത്.
മന്ത്രി മാത്യു ടി തോമസ്, കഥാകൃത്ത് ബന്യാമിന്‍, എംഎല്‍ എ മാരായ വീണാ ജോര്‍ജ്ജ്, രാജു ഏബ്രഹാം, ചിറ്റയം ഗോപകുമാര്‍ തുടങ്ങിയവര്‍ ചടങ്ങില്‍ പങ്കെടുക്കും. ഡോ ഫിലിപ്പോസ് മാര്‍ ക്രിസോസ്റ്റം വലിയ മെത്രാപ്പോലീത്തയുടെ ജന്മശതാബ്ദിയോടനുബന്ധിച്ച് വിശപ്പ് രഹിത സമൂഹം, ആരോഗ്യമുള്ള ജനത, മാലിന്യമുക്ത ചുറ്റുപാട,് മികവുറ്റ വിദ്യാലയം എന്നീ വ്യത്യസ്തമായ പദ്ധതികളാണ് കോഴഞ്ചേരി - തോട്ടപ്പുഴശ്ശേരി പഞ്ചായത്തുകളില്‍ നടപ്പിലാക്കാന്‍ ലക്ഷ്യമിട്ടുള്ളതെന്നും പത്രസമ്മേളനത്തില്‍ പറഞ്ഞു. ആര്‍ അജയകുമാര്‍, ബാബു ജോണ്‍, രാജന്‍ വര്‍ഗീസ്, സോണി കൊച്ചുതുണ്ടിയില്‍ എന്നിവര്‍ പത്രസമ്മേളനത്തില്‍ പങ്കെടുത്തു.
Comments
Post a Comment